وكالات//

عطا وزير الداخلية الفرانساوية، جيرالد دارمانان، وعد للفرانساويين لي ساكنين في جزيرة مايوت التابعة لفرنسا، أن البلاد غادي تمنع تعطي الجنسية للدراري لي كيتزادو في الجزيرة.

هادشي جا بعدما دارو السكان دالجزيرة لي تابعة لفرنسا احتجاجات على تزايد ديال السكان من خارج الجزيرة.

وبانو بزاف ديال المشاكل لي كيقولو أن هادشي بسباب المهاجرين الكثار في الجزيرة، أغلبها عندها علاقة بالجريمة والاتجار في الحشيش.

وقال دارمانان لي مشا حتى للجزيرة باش يطمأن السكان أن البلاد غادي تطلب من البرلمان يعدل قانون “حق الولادة” باش ماتعطيش الجنسية لأي ولد تزاد فالأراضي ديال فرنسا.