كود سبور//

زربت فرنسا على الموهبة المغربية الشابة أيوب بوعدي، لاعب ليل الفرنسي وعيطو له للمنتخب الفرنسي لأقل من 20 عام، والمفاجأة أنه غايلعب ضد المغرب.

وعيط الاتحاد الفرنسي لكرة القدم، على أيوب بوعدي اللاعب الشاب من أصل مغربي اللي عندو 17 عام، باش يشارك مع المنتخب الفرنسي لأقل من 20 عام ضد المنتخب المغربي فجوج ماتشات وديين يوم 11 و14 أكتوبر الجاري.

ودار أيوب بوعدي ماتش كبير مع ليل الفرنسي ضد ريال مدريد الإسباني قبل يومين من دابا فدوري أبطال أوروبا، وحتى الناخب الوطني وليد الركراكي عبر على الإعجاب بالموهبة ديالو ملي اعلن البارح الخميس على لائحة المغرب استعدادا لمواجهة إفريقيا الوسطى فإقصائيات كاس أفريقيا 2025.