كود سبور//

غايديرو أولمبيك مارسليا وباريس سان جرمان الفرنسيين، تكريم للدولي المغربي السابق عبد العزيز برادة، اللي فارق الحياة يوم الخميس الماضي، بسبب سكتة قلبية مفاجئة.

وكشفت جريدة “ليكيب” الفرنسية، أن أولمبيك مارسليا وباريس سان جرمان اللي لعب معهم عبد العزيز برادة فالكاريير ديالو، غايديرو له تكريم قبل من الماتش اللي غايبدا بين الفريقين غدا الاحد ضمن قمة البطولة الفرنسية فتيران الفيلودروم برسم الدورة 9.

وتفاجأ الجميع بوفاة عبد العزيز برادة المفاجئ، اللي ودع الحياة عن عمر 35 عام، وكلشي اللي كايعرفوه كايشهدو له بالأخلاق الزوينة ديالو وأنه كان ظريف.