كود سبور//

عيطو فرنسا على المغربي-الفرنسي أيوب بوعدي، للمنتخب الفرنسي لاقل من 21 عام، فمحاولة منهم للضغط عليه باش ما يختارش المغرب، خصوصا وان مدرب المنتخب الفرنسي الاول دشيان، ما عيطش له.

وتلقى أيوب بوعدي دعوة من المنتخب الفرنسي لاقل من 21 عام، استعدادا لمواجهة النگليز وسلوفاكيا ضمن منافسات دوري الأمم الأوروبية لاقل من 21 عام.

وكاين صراع قوي بين المغرب وفرنسا على خدمات أيوب بوعدي، اللي كشفت جريدة “ليكيب” الفرنسية أنه مازال ما حسم القرار ديالو مع من غايلعب واش المنتخب المغربي ولا المنتخب الفرنسي.