گود سبور//

دارو فرنسا الأسطورة ديالهم زين الدين زيدان، مدرب جديد للمنتخب الفرنسي فالمرحلة المقبلة.

وأعلن رئيس الاتحاد الفرنسي فيليب ديالو، اليوم الثلاثاء خلال مؤتمر صحافي، تعيين زين الدين زيدان كناخب وطني فرنسي جديد لمدة 4 سنين، غادي يدرب فيها “الفرارج” حتى لمونديال 2030.

زين الدين زيدان خدا بلاصة ديدي ديشان اللي كمل العقد ديالو مع نهاية مونديال 2030، وخلى له ارث قوي حيث ديشان ربح مونديال 2018، وكان وصيف مونديال 2022، وجا هو الرابع فمونديال 2026، والفرنسيين باغيين يرحو مونديال 2030 وقبل منو كاس اوروبا 2028.

وعبر زيدان، على الفرحة ديالو حيث تعين ناخب وطني جديد لمنتخب “الفرارج”.

وخلال التقديم ديالو الرسمي قال: “كانشكر الاتحاد الفرنسي حيث ثقتهم فيا، وعندي الزهر حيث ختاروني لهاد المهمة، وعادي نخدم باش المنتخب الفرنسي يكمل فالإنجازات”.

زيدان وجه كلمة حتى للناخب الوطني الفرنسي السابق ديدي ديشان وقاله: “كانسلم على ديشان، وكانشكرو على كل ما عطى للمنتخب الفرنسي”.

وواعد زيدان الفرنسيين بالخدمة، وقال: “غادي نعطي كل ما عندي للمنتخب الفرنسي، وراني متحمس بزاف باش نبدا الخدمة فالتيران”.