الرئيسية > تبركيك > فرنسا جرات على مغربي هدد بذبح جادارمي
05/06/2021 13:00 تبركيك

فرنسا جرات على مغربي هدد بذبح جادارمي

فرنسا جرات على مغربي هدد بذبح جادارمي

كود- عن ماريان//

فماي اللي فات، السلطات الفرنسية خرجات مهاجر مغربي من أرضها، بعدما هدد جدارمي بأنه غيقطع ليه راسو ويحطو قدام الجدارمية، والسلطات الفرنسية هكذا اعتبرات هذ التهديدات المباشرة إرهابية ومتطرفة، وجرات عليه من فرانسا بعدما تحاكم.

وكان تشد المغربي، اللي عندو 31 عام وكيسكن فإقليم الألب البحري جنوب شرق فرنسا، وحكمات عليه المحكمة القضائية ديال كَراس ب4 شهور ديال الحبس، منها 2 موقوفة التنفيذ، وتدان بتهم تهديد شخص كيشغل منصف فالسلطة العامة، بالإضافة لتهديدات متكررة كتمثل خطر على الناس.

وكان سبق دار هذ السيد، خطب متطرفة، قال فيها أن فرنسا “بلد كافر”، كيف كانو لقاو عندو سكاكين، وكان سبق صرح للبوليس أنه نهار يموت غيكون اسعد يوم فحياتو.

وبعد ما دوز عقوبتو الحبسية، المحققين ديال المديرية العامة للجرائم الاقتصادية توصلو لبحث كيتعلق بالإرهاب، عبرو فيه على خوفهم من أن يدير هذ الشخص شي هجوم إرهابي، وهكذا وقعات إدارة المحافظة المقيم فيها، بمساعدة وزارة الداخلية، على أمر ترحيلو فأول رحلة كاينة بين المغرب وفرنسا.

باقي التفاصيل هنا:

https://www.marianne.net/societe/terrorisme/un-marocain-expulse-en-urgence-apres-des-menaces-terroristes

موضوعات أخرى

23/06/2021 15:30

والمباراة لي شاركو فيها أطر؟. ايت الطالب عين الخداري رئيس قسم التواصل بالنيابة قبل ماتسالي الولاية الحكومية – وثيقة