گود سبور//

ففرنسا مازال كايشوفو ان الناخب الوطني السابق وليد الركراكي هو الحل المزيان لاولمبيك مارسليا، وانه قادر يخرج الفرقة من الوضعية الصعيبة اللي فيها، وخاص إدارة النادي غير يزعمو ويتعاقدو معه.

موقع “Football” الفرنسي نقل رأي ديال الصحافي الفرنسي دومينيك سيفيراك ديال جريدة “لوباريزيان” الفرنسية المشهورة، واللي كايشوف ان وليد الركراكي مناسب بزاف لاولمبيك مارسيليا خاصهم غير يزعمو عليه، ويديروه بلاصة المدرب الحالي حبيب باي اللي المستقبل ديالو مع الفريق ما واضحش.

وقال دومينيك سيفيراك: “كانشوف وليد الركراكي اللي تفارق مع المنتخب المغربي دابا ليبر وبلا فرقة، كون كنت فبلاصة اولمبيك مارسليا كون قلت علاش لا الركراكي؟”.