اسماء غربي – كود//

المثلي المغربي بلال حساني خطف الأنظار البارح في فرنسا، فاش تم اختيارو باش يمثل الجمهورية في “أورو فيزيون” الي هي أكبر مسابقة موسيقية في اوروبا، وغادي تكون في اسرائيل شهر ماي الجاي.

لجنة التحكيم ختارو متسابق آخر، لكن التصويت ديال الجمهور كان فصالح بلال واختاروه هو وأغنيتو “roi” باش تمثل الفرنسويين.

بلال الكازاوي لي عايش ففرنسا، عندو 19 لعام فقط، وقدر يحقق الحلم ديالو لي سنوات وهو تابعو. وكانت البداية في “ذا فويس” قبل ما يبان بالماكياج وشعر.

الكليب ديال أغنية “Roi” مصورة بطريقة ديال المبتدئين، وغنى فيها بالفرنسية والانجليزية، ولكن الرسالة وصلات حيت فالفيديو بين فاش كان صغير وكيفاش الناس تعاملو معاه بحقارة حيت هو مثلي ومختلف، والبعض احتاقروه بسبب لباسو وشعرو وشكلو كاملة، ولكن ماتسوقش كيفما قال، وشاف الجهة الإيجابية واستمر فحياتو بشكل عادي.