كو ـ سلا//

المسرح الملكي بالعاصمة الرباط كيعرف عرض فني رياضي ديال فرقة Dance Theatre of Harlem الأمريكية المشهورة، لي جات للمغرب وإفريقيا لأول مرة هادي كتر من تلاتين عام.

فرقة هارلم، لي تأسسات فنيويورك فقلب النضال من أجل الحقوق المدنية، ديما كانت رمز لتكسير  النمطية والقيود داكشي علاش هاد الحدث كيتعتبر رسالة حرية وثورة فنية بامتياز.

اليوم، فوق الخشبة د المسرح الملكي، هاد الراقصين كيبينو لينا كيفاش الجسد يقدر يتحرر ويعبر على أحاسيس وقضايا كونية بلا ما يحتاج للكلمات.

الجمهور لي فوت العرض ليلة البارح (الجمعة 2 أكتوبر) مزال عندو فرصة اليوم السبت فالعشة، باش يعيش تجربة خيالية فيها الخفة، القوة، والتناسق ديال الفرقة لي جابت لينا هاد الطاقة الإيجابية ونسمة د التحرر والإبداع لبلادنا.