الرئيسية > آش واقع > فرع جديد لشركة ميشلان غيتحل فكازا
02/08/2021 08:00 آش واقع

فرع جديد لشركة ميشلان غيتحل فكازا

فرع جديد لشركة ميشلان غيتحل فكازا

عفراء علوي محمدي- كود//

علنات شركة ميشلان على تاسيس وكالة مبيعات جديدة فكازا، من أجل تعزيو وجودها فالمغرب كشركة رائدة فقطاع تصنيع أجزاء الطوموبيلات.

وحسب بلاغ لميشلان، فالهدف من هذ الوكالة الجديدة هو تقديم خدمات أفضل للزبناء، وإضفاء الطابع المهني على استخدام وبيع الإطارات فالسوق المغربية.

وغيهدف كذلك هذ الفرع لبيع منتوجات بجودة مزيانة، كتضمن قبل كلشي السلامة فالطريق، مع التقليل من انبعاثات ثاني أكسيد الكربون حسب إستراتيجية مجموعة ميشلان “All Sustainable 2050”.

وفهذ الصدد قال كًاكَانجوت سينكَ، رئيس ميشلان، ان تزامنا مع وقت كيعرف فيه مشهد صناعة السيارات فالمغرب نمو اقتصادي سريع.

وكشف أن مكتب كازا غيقدم مجموعة كاملة من العروض لشرائح مختلفة فصناعة الطوموبيلات، سواء مع المصنعين أو المستهلكين.

موضوعات أخرى