الوالي الزاز -گود- العيون ///
وجه رئيس مجلس المستشارين، محمد ولد الرشيد، الدعوة لشيوخ وأعيان القبائل الصحراوية لحضور مأدبة الغذاء التي ينظمها مجلس المستشارين، اليوم الخميس 20 نونبر 2025، بمقر ولاية جهة العيون الساقية الحمراء.
الدعوة التي وجهها محمد ولد الرشيد، رئيس مجلس المستشارين لشيوخ وأعيان القبائل الصحراوية تتجاوز الدعوة ديال الأكل والشرب وتأثيث المشهد، ولكن فيها تكبيرة للشيوخ والأعيان واستحضار لدورهم فالصحرا ومكانتهم الرمزية والاعتبارية.
هاد الدعوة هي فرصة لهاد الفئة باش تلاقى مع أكثر من 120 برلماني أفريقي ويتواصلو معاهم ويدافعو أمامهم عن مبادرة الحكم الذاتي المغربية باعتبارها الحل الوحيد والأوحد لحل هاد النزاع، وفرصة باش يسمعو صوتهم لأفريقيا ولشعوبها بأن الصحراويين مقتانعين بمغربية الصحراء.
دعوة محمد ولد الرشيد للشيوخ والأعيان هي مناسبة أيضا باش يكون تواصل مباشر بين ساكنة المنطقة والممثلين ديالهم مع مختلف الشعوب الأفريقية وبرلمانييها، باش نأكدو على اصطفافنا صف واحد من أجل ترسيخ وحدتنا الترابية ومواجهتنا للمغالطات اللي كيحاولو الأعداء ترويجها.
