كود -طنجة//

ولات واحد الظاهرة جديدة شايعة ف TikTok سميتها ’’ “CleanTok، فين شباب مفورميين وزوينين كينشرو فيديوهات ديالهم وهما كيخملو ديورهم ويديرو الميناج، هاد المحتوى ولى كيجبد ملايين المشاهدات، وكيحوّل أعمال بحال التشطاب والميناج لمحتوى مربح وعليه النفاد .

https://www.facebook.com/share/v/1D76jnACa8/

هاد التراند كيبين تغيير فالصورة التقليدية ديال أن الشقا مرتبط غير بالعيالات، حيت حتى بعض الرجال ولاو كيبانو كيتكلفو بالشقا ديال الدار، الشي اللي خلا بزاف ديال المتابعين يتفاعلو مع هاد النوع من الفيديوهات.

هاد النوع من المحتوى ولى كيدخل فلوس مهمة على ماليه، سواء من الإشهار أو الشراكات مع ماركات ديال المواد باش كيخدمو، الروتين المنزلي اللي كيبان عادي وللا كيقدر يوصل لملايين المشاهدات.

https://vt.tiktok.com/ZSHDnTPaE/

فالمغرب، مازال هاد التراند ما واصلش لنفس القوة، ولكن كيبدا يبان تدريجياً مع بعض صناع المحتوى اللي كيجربو يقدمّو حياتهم اليومية بطريقة أخرى، ومع الانتشار الكبير ديال TikTok وسط الشباب المغربي، ممكن فالمستقبل نشوفو CleanTok” ‘‘ الجفاف والكراطة بشكل  يعكس الثقافة ديال الدار المغربية ويبدّل شوية الصورة التقليدية على تقسيم الأشغال المنزلية.