كود الرباط//
اللجنة الوطنية للأطباء الداخليين والمقيمين خرجات ببيان جديد، نهار 25 شتنبر 2025، أكدت فيه التوصل إلى اتفاق مع وزارة الصحة حول زيادة 1500 درهم فالأجر ابتداءً من يناير 2025، لكن بالمقابل حذرت من أزمة خطيرة ديال نقص الأدوية والمستلزمات فالمستشفيات الجامعية، واللي وصفاتها بالوضع اللي كيهدد استمرارية العلاج وحياة المواطنين.
البيان شدد أن الاتفاق شمل حتى تخفيض عدد الحراسات الشهرية إلى 8 مرات مع تعويضات إضافية على المناوبات الليلية والعطل، لكن باقي المطالب بحال إصلاح الصيدلية المركزية، إدماج الأطباء فالتغطية الصحية الإجبارية، وإصدار مرسوم كيحدد الوضعية القانونية والاعتبارية ديالهم مازال معلق وغادي يتناقش فالاجتماع المقبل نهار الاثنين 29 شتنبر 2025.
اللجنة قالت أن الحوار غادي يستمر، لكنها ما استبعداتش اللجوء لكل أشكال التصعيد إذا ما تجاوباتش الوزارة بشكل جدي مع باقي المطالب.
