الرئيسية > كود سبور > فرانش مونتانا وطوطو وناكامورا وتييري هنري.. التظاهرة الرياضية “رالي المغرب” غادي تجمع نجوم الفن والرياضة فأكادير والعيون
30/09/2022 15:00 كود سبور

فرانش مونتانا وطوطو وناكامورا وتييري هنري.. التظاهرة الرياضية “رالي المغرب” غادي تجمع نجوم الفن والرياضة فأكادير والعيون

فرانش مونتانا وطوطو وناكامورا وتييري هنري.. التظاهرة الرياضية “رالي المغرب” غادي تجمع نجوم الفن والرياضة فأكادير والعيون

نجوى المالحي – كود//

انطالقات اليوم بمدينة أكادير التظاهرة الرياضية -رالي المغرب- لي غادي تستمر 6 أيام، ولي غادي تعرف هاد العام تنظيم 2 ديال الحفلات الكبيرة بحضور نجوم مغاربة وعالميين.

الحفل الأول غادي يدار فمدينة أكادير غدا السبت فساحة الأمل مفتوحة في وجه الجميع فابور بحضور المغني: إلگراندي طوطو، ودادا، وعبد الفتاح الجريني، وآية ناكامورا، وكريم خربوش المعروف بفرانش مونتانا، ودادجو، وأمينوكس، وديجي فان وديجي أيمون ولاليست طويلة.

الحفلة الثانية غادي تكون فالعيون نهار 3 أكتوبر فيها فرقة كَناوة وووز كالي وسعيدة شرف، ومقرر السهرة تستمر 2 ساعات.

ومن بين الضيوف لي مقرر يجيو من الخارج باش يحضرو للتظاهرة الرياضية-الفنية لاعب الدوري الأمريكي للمحترفين السابق روني تورياف، والبطل المغربي جمال بن صديق المتخصص في رياضة الكيك بوكسينگ، ولاعب كرة القدم السابق الفرنسي تييري هنري، والممثل والفكاهي المغربي وحيد بوزيدي.

وختارت الجهة المنظمة تحتافل من خلال هاد الحفلات بالثقافة الأمازيغية وتعزز الوجهة الرياضية والفنية والثقافية لجنوب المغرب.

موضوعات أخرى

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي