كريم الصوفي – كود//
وكالة “فرانس برس” بغات زعماك تتحرى عن صورة منشورة ف السوشيال ميديا حول عرض خريطة المغرب كاملة ف اجتماع جنرالات ديال بوتين. الوكالة الفرنسية لقات أن الصورة مأخوذة عن فيديو حقيقي منشور ف الحساب الرسمي لوزارة الدفاع الروسية ف 11 شتنبر 2020.
هاذ الاجتماع كان برئاسة جنرال روسي كبير تم تعيينو، مؤخرا، قائد “العملية العسكرية الخاصة” في أوكرانيا. الرجوع للفيديو كيوضح بالفعل أن القضية ماشي مونتاج وخريطة المغرب تعرضات كاملة ف اجتماع العسكريين الروس. وفي الأخير وكالة فرانس برس اللي بغات تضرب ف مصداقية الصورة ما قدراتش توضح علاش خريطة المغرب بانت كاملة ف الفيديو وطلعات المادة ديالها ما عندها لاساس لاراس.
الوكالة الفرنسية اعتبرات أن اللي تنشر من خبار وتدوينات ما كتعكسش موقف روسي مستجد من قضية الصحراء، لكن ف نفس الوقت، مقدراتش تفسر علاش بانت خريطة المغرب كاملة ف هذاك الاجتماع.. واش الروس كانو كيوجدو شي موقف دبلوماسي جديد حول الصحرا ف هذاك الوقت أو هاذ الخطوة الروسية تم مناقشتها ف الكواليس وباقين متحفظين عليها لأسباب…
موضوعات أخرى
