كود سبور//

ما عيطوش فرنسا على المغربي-الفرنسي أيوب بوعدي نجم ليل الفرنسي، واللي مازال كلشي كايسناوه يختار المنتخب اللي غايلعب معه واش المغرب ولا فرنسا، مع العلم ان اللاعب الشاب لعب فالفئات السنية ديال المنتخبات الفرنسية.

وأعلن الناخب الفرنسي دي دي ديشان، على لاليست ديال منتخب فرنسا، استعدادا للماتشات الجايين بجوج ضد منتخب كرواتيا فالتوقف الدولي الجاي، وما كاينش فلاليست ايوب بوعدي، وبالمقابل عرفت اللائحة رجوع كيليان مبابي اللي كان غاب على فرنسا فالتوقف الدولي ديال اكتوبر ونوفمبر اللي فاتو.

وكاين تنافس كبير بين المغرب وفرنسا، وكلشي كايتسنى اعلان الناخب الوطني وليد الركراكي غدا الجمعة على لائحة المنتخب المغربي ضد النيجر وتنزانيا، باش يعرفو واش فيها ايوب بوعدي ولا ما كاينيش، وبالمقابل قالت جريدة “ليكيب” الفرنسية ان بوعدي مازال من حسم اختيارو.