الرئيسية > آش واقع > فرانسا ركعات المغرب. فرضات اير فرانس على “لارام”. اللي غاديين من هنا لفرانسا يقطعو فالشركة الفرنسية
30/07/2020 21:30 آش واقع

فرانسا ركعات المغرب. فرضات اير فرانس على “لارام”. اللي غاديين من هنا لفرانسا يقطعو فالشركة الفرنسية

فرانسا ركعات المغرب. فرضات اير فرانس على “لارام”. اللي غاديين من هنا لفرانسا يقطعو فالشركة الفرنسية

عمـر المزيـن – كود//

[email protected]

الفرنسيين خرجو العين الحمرا فالمغرب وهو يحدر الراس فقضية الرحلات بيننا وبين مدن فرانسا. هاد القضية اللي دارت الرباط غريبة اصلا. فتحات الحدود استثناء باش تجيب لمغاربة اللي حصلو برا واللي بغاو يدخلو يشوفو حبابهم وحتى للاجانب اللي عندهم اقامة هنا.

طبعا الدولة عطات ل”لارام” ودخلات “العربية” فهاد البيعة والشرية. الفرانسيس كعاو. شافو لارام حركات الناعورة وهي كتفرج وهي تطلب برحلات. هاد الشي خلى الشركة تطلب من الدولة الفرنسية تتدخل باش تضغط.

هاد الشي عطى اكلو. لارام دارت بيان الليلة قالت أن الرحلات من فرنسا إلى المغرب مازال بشكل عادي وكيف كانت من شحال هادي” وزادت فقرة غريبة كتبين فرض الفرنسيين على المغرب ياخدو جطهم٬ اذ دعت “زبناءها اللّي غادي يسافرو من المغرب إلى فرنسا ما بين 3 و10 غشت إلى حجز التذاكر من الفرنسية للطيران اللّي عندها معاها شراكة.

وأشارت الشركة إلى أنه بإمكان الزبناء ديالها يبدلو التذاكر ديالهوم مع الفرنسية للطيار بلا شي رسوم أو زيادات، داعية إياهم إلى ربط الاتصال بهاد الأرقام باش يبدلو التذاكر ديالهوم:

Maroc : 089000 0800

France : 0820 821 821

Numéro International : +212522489797

موضوعات أخرى

07/08/2020 19:00

بعد خروج الحسن الكتاني كيتأسف لموت السنيين فانفجار بيروت بلا غيرهم.. رفيقي لـ”كود”: هذا فكر طائفي مسموم ولا إنساني.. والمفروض على القوى الحية تحاربو