كود سبور//

صبح الدولي المغربي وليد شديرة نجم فريق باري الطلياني، الممارس فالقسم الثاني من البطولة الإيطالية هدف لمجموعة من الأندية الإيطالية الكبيرة اللي عندها رغبة فتحسين هجومها.

وكشف موقع “سيري بي نيوز” الإيطالي أن وليد شديرة اللي صبح كيدخل الفرحة على عشاق باري الطلياني بالبيوت اللي كايماركي، وكيحمل الامال ديالهم فالصعود إلى دوري الدرجة الأولى فالطاليان صعيب يطول مع الفريق بالنظر للعروض القوية اللي كيقدم.

الموقع الإيطالي أشار أن مجموعة من الفرق الايطالية الكبيرة كتوجد للحصول على خدمات النجم المغربي، الهداف ديال القسم الثاني فالطاليان برصيد أهداف كيبلغ  7 بيوت.

وفالمقدمة ديال الفرق اللي عندها رغبة فالحصول على وليد شديرة، حسب الموقع المذكور كاين فريق إنتر ميلان، واللي عندو مشاكل فالهجوم وكيوجد عرض باش يسني مع وليد شديرة فالميركاتو الشتوي الجاي، لكن كاينين منافسين آخرين واللي حتى هما كيتسناو الفرصة ديالهم للحصول على خدمات اللاعب ومن بينهم ميلان بطل الطليان وأيضا نابولي.

وكيقدم النجم المغربي وليد شديرة عروض قوية رفقة فريق باري فالطاليان، وصبح من أهم اللعابا فالفريق اللي كيبحث على الصعود إلى القسم الاول “سيري أ”، الأمر اللي خلاه يولي محبوب فمدينة باري الطاليانية عند سكانها وماشي فقط عند جمهور فرقة الكرة ديال المدينة.