كود الرباط//

اليوم عرفات دورة أكتوبر بمجلس جهة مراكش آسفي، حدث زوين، فاش تم تكريم مسن معروف بمول البيكالة لي ساهم بنص خنشة دقيقة، وأثر فالملايين من الناس داخل المغرب وخارج.

الشخص لي تكرم من طرف مجلس جهة، كان تشهر بفيديو تنشر على أوسع نطاق، وهاز معه نص خنشة طحين فوق البيكالة باش يساهم ويتضامن مع ضحايا الحوز.

وفهاد التكريم، تعطات مكافأة مالية للمسن من طرف مجلس الجهة على إنسانيته و تضامنه مع المتضررين في الزلزال، والوالي ديال الجهة كذلك باس راس مول البيكالة المشهور.

يشار بلي هاد الدورة تدارت بمقر عمالة الحوز، وتخصصت للزلزال كما تم اقرار فيها ميزانية خاصة تضامنا مع ضحايا الزلزال.