كود سبور//

كيعمل الطاقم الطبي بالوداد الرياضي على تقليص مدة غياب رضا الجعدي لاعب الفريق، اللي صبح مرشح باش ما يلعبش خلال 4 الأسابيع المقبلة على الأقل بسبب الإصابة.

وحسب مصدر مطلع، فمن المنتظر يخضع رضا الجعدي اليوم الاثنين لفحوصات طبية جديدة بإحدى المصحات بمدينة الدار البيضاء، من أجل تحديد نوع الإصابة اللي عندو فلاشوفي بشكل دقيق، وكذلك مدة الغياب ديالو عن الفريق واللي تقدر توصل لشهر حسب الفحص الأولي اللي خضع له فوقت سابق.

وكان رضا الجعدي تصاب فماتش الوداد الرياضي ضد شبيبة القبائل الجزائري الجمعة الماضي بالجزائر، فعصبة أبطال إفريقيا، وما قدرش يكمل الماتش وخرج فالشوط الأول وهادشي أثر على وسط تيران الفريق الأحمر فالماتش.