كود سبور//

تعرض الدولي المغربي نصير مزراوي للإصابة مع الفريق ديالو مانشستر يونايتد النگليزي، وعندو فحوصات طبية حاسمة باش يعرفو شحال ممكن يغيب.

وعايدير نصير مزراوي اليوم الاثنين فحوصات طبية تحت إشراف الطاقم الطبي ديال مانشستر يونايتد، حيث عندو إصابة فالركبة ديالو، باش يقررو واش غايلعب مع الفريق الاربعاء الجاي ضد ابسويتش تاون ضمن منافسات بطولة النگليز.

ويعتبر نصير مزراوي عنصر مهم بالنسبة لمانشستر يونايتد، وقدر يدير بلاصتو فالفريق دغيا واخا هذا أول موسم له مع الشياطين.

وتعرض نصير مزراوي للإصابة فالماتش ديال مانشستر يونايتد ضد ايفرتون السبت الماضي، فبطولة النگليز.