الرئيسية > كود سبور > فحوصات جديدة للاعابة ديال الجيش قبل ماتش الوداد والشمامي وفكري براو من كورونا
07/09/2020 13:20 كود سبور

فحوصات جديدة للاعابة ديال الجيش قبل ماتش الوداد والشمامي وفكري براو من كورونا

فحوصات جديدة للاعابة ديال الجيش قبل ماتش الوداد والشمامي وفكري براو من كورونا

كود سبور//

لاعبو الجيش الملكي خضعوا كاملين لفحوصات الكشف عن كورونا المستجد اليوم الاثنين قبل ماتش الكلاسيكو ضد الوداد البيضاوي نهار الاربعاء المقبل، بملعب المجمع الرياضي الأمير مولاي عبد الله في الرباط، برسم مؤجل الدورة 22 من منافسات البطولة.

ومن المنتظر أن يكون لاعبو الوداد خضعوا حتى هوما لكشوفات كوقيد 19 فكازا، قبل ما يجيوا للرباط غدا الثلاثاء، علما أن جميع اللاعابة، اللي تصابوا بالفيروس براوا منو في السيمانة، اللي فاتت.

كلشي كيتكلم على الكلاسيكو، خصوصا من جانب مسؤولي الفريق العسكري، اللي اجتمعوا بعبد الرحيم طالب، مدرب الجيش، وطلبوا منوا يركزوا على الماتش وينساوا النتائج السابقة، لحقاش الفوز غادي يقرب الفريق العسكري من المراكز الأولى.

من ناحية ثانية، شفي عبد الواحد الشمامي، الناطق الرسمي للجيش واللاعب محمد فكري من كورونا.

واخا تشافى من الوباء، إلا أن فكري ما غاديش يشارك في الكلاسيكو، لحقاش خاصو سيمانة أخرى ديال الحجر قبل ما يرجع للونتريمو.

موضوعات أخرى