كود سبور//

مازال الأهلي المصري ما حسمش فمشاركة الكابيتان ديالو محمد الشناوي فنهائي عصبة أبطال إفريقيا أمام الوداد الرياضي، واخا علن فوقت سابق أنه غيكون حاضر فالفينال.

وكشف موقع “kora plus” المصري غير دابا، أن الطاقم الطبي ديال الأهلي غيدير فحوصات طبية أخيرة لكول الفريق محمد الشناوي لتحديد الموقف ديالو من الفينال ضد الوداد.

نفس المصدر، قال بلي الفحوصات الطبية الأخيرة والحاسمة اللي غيخضع لها محمد الشناوي غتكون خلال ساعات من دابا، وعلى حسب النتائج ديالها غيتعطاه الضوء الأخضر للعودة للتداريب الجامعية استعدادا لمواجهة الوداد فالنهائي.

ومرزطين جماهير الاهلي المصري بخصوص حالة محمد الشناوي واخا أن النادي قال منذ يومين أن لكول غيكون حاضر فالفينال، ولكن وسائل الإعلام المصرية اللي قريبة من الأهلي كل مرة كتخرج شي خبر كتشكك فيه فالجاهزية ديالو.

وبدا كيقرب الفينال ديال عصبة أبطال إفريقيا بين الوداد والأهلي المصري، واللي غيكون الذهاب ديالو بالقاهرة يوم 04 يونيو، والروتور بكازا يوم 11 من نفس الشهر، وجماهير الأهلي راه مبرزطين على حالة محمد الشناوي.