وكالات //

مارك كلاسين، 37 عام، لقى راسو ميت فحادثة مأساوية طرات داخل صومعة ديال الحبوب فمدينة نيوتن فولاية كانساس، على حساب ما صرّح به مكتب شرطة مقاطعة هارفي.

حسب البلاغ ديال الشرطة اللي نقلاتو صحيفة People، تم استدعاء الأجهزة الأمنية للطريق ديال ساوث سبنسر بعدما تقلبات كمية ديال فول الصويا أثناء عملية التسوية والتفريغ داخل الصومعة، وهادشي تسبّب فاحتجاز واحد من العمال وفقدان حياتو مباشرة.

الشرطة زادت وقالت باللي الرجالة لآخرين اللي كانو معاه فالحاوية ما تصابوش بأي أذى.

ومارك كلاسين خلّى وراه الوالدين دالاس وجيري، والإخوة الثلاثة براد، ديريك، وكوري، ومعاهم المرة ديالو كريستي هاردر وولادهم الأربعة: دايتون (9 سنين)، كارلي (7 سنين)، إيمي (5 سنين)، وبريان (3 سنين).