وكالات//
شدات السلطات ديال إندونيسيا بزاف ديال المحلات كيبيعو لحم الكلاب للناس في جزيرة بالي المعروفة في العالم كامل، وهادشي بعد عام واحد فقط من دخول قانون منع ذبح وأكل الكلاب في البلاد.
على حساب ماقالت تقارير صحفية في البلد، فالسلطات في البلاد شدات المئات ديال القطبان فيهم لحم الكلاب، وأكثر من 50 كيلو ديال اللحم ديالهم.
وكتأكد التقارير أن هاد المحلات كتخدم في النوار وكتبيع للناس هاد اللحوم لي ولات ممنوعة، وهوما لحد اللآن 3 ديال المحلات.
وعلى حساب مكتقول القوانين فهد الناس لي شدوهوم يقدو يضربو حتى 3 سنين ديال الحبس، بالإضافة لغرامات ثقيلة ديال الفلوس.
