الرئيسية > تبركيك > فتوضيحها لحقيقة كومونطير “الله ينعلو ويخزيه”.. بوشكيوة لـ”كود”: أنا تكلمت على الشيطان.. والسيد اللي هضر معايا موديفيا التعليق عن قصد.. وأنا ماسبيتش محمد
03/06/2020 14:00 تبركيك

فتوضيحها لحقيقة كومونطير “الله ينعلو ويخزيه”.. بوشكيوة لـ”كود”: أنا تكلمت على الشيطان.. والسيد اللي هضر معايا موديفيا التعليق عن قصد.. وأنا ماسبيتش محمد

فتوضيحها لحقيقة كومونطير “الله ينعلو ويخزيه”.. بوشكيوة لـ”كود”: أنا تكلمت على الشيطان.. والسيد اللي هضر معايا موديفيا التعليق عن قصد.. وأنا ماسبيتش محمد

عفراء علوي محمدي- كود//

أكدات مينة بوشكيوة، الحقوقية وأستاذة التعليم الثانوي التأهيلي المثيرة للجدل، أن الكومونتير اللي سكريناوه بعض الظلاميين وروجوه، واللي قالت فيه عبارة “الله يلعنو ويخزيه”، ماكانتش كتهضر فيه على رسول الإسلام، لكن على الشيطان، “وهذي عبارة تعوذنا حنا المغاربة نقولوها”.

بوشكيوة وضحات، فحوار ليها مع “كود”، غيتنشر لاحقا، أن الدري اللي كومونطا وقاليها “صلي على النبي” كان موديفيا الكومونطير من بعد، بحيث أنه فاللول كان كاتب “صلي على النبي ولعني الشيطان”، وهي ردات عليه بداك الجواب، “لكن هو فكر يبدلو أو شي ناس حرضوه باش يبدلو، باش يتم تأويل كلامي خطأ، ويكون عندهم دليل قاطع بللي سبيت الرسول، لكن أنا فالأصل ماسبيتوش”.

وشارت الحقوقية، المعروفها بشجاعتها فالخوض فالطابوهات فكتاباتها، بللي السطاتي اللي نايض دابا عليه الصداع، واللي تكلمات فيه على فحولة الرسول وحياتو الجنسية، هو اللي كان تسيركيلا فاللول ودار ضجة، وزادت: “لكن منين شافو هذ الناس بللي بالصح كلامي مافيه حتى إساءة، عاد تدارت هذ الخطة، باش يثبتو علي التهمة بالملموس”.

واعتبرات لبوشكيوة “انتقاد الأديان واخا يوصل لدرجة السب هو حرية تعبير مطلقة، واللي ماخصوش يكون هو سب الأشخاص والقذف فيهم، والوصول بيهم حد التعنيف والتهديد بالقتل، فقط لأنهم عبرو على رأي ما حول موضوع ما، أما انتقاد المقدس شيء عادي، بالعكس هو حق وخاصو يكون، ولو أني فهذ الجانب مانتقدتش الدين ابدا، وتكلمت على حقائق كاينة فتراثنا الإسلامي”.

موضوعات أخرى

11/07/2020 14:00

كيفاش الدولة المغربية كدعم شركة باطرونها اماراتي وهابي ومخلية شركتنا الوطنية . واش “لارام” غادية تتخلى على 20 طيارة وباش جات لوجيبة دور الصرف دخلات معاها الحكومة “العربية”

11/07/2020 11:30

السدان مع الثمنية لي تفرض بعد تفجر بؤرة معامل تصبير الحوت زاد كرفص قهاوي آسفي.. وحريفي لـ”كود”: خاص التسريع بمراجعة هاد القرار لي ضر مهنيي القطاع فالمدينة بزاف