الرئيسية > آش واقع > فتنا 2019.. كثر من 74 ألف طوموبيل جديدة تباعت ف5 شهور اللولة من 2021
06/06/2021 07:00 آش واقع

فتنا 2019.. كثر من 74 ألف طوموبيل جديدة تباعت ف5 شهور اللولة من 2021

فتنا 2019.. كثر من 74 ألف طوموبيل جديدة تباعت ف5 شهور اللولة من 2021

عفراء علوي محمدي- كود//

كشفات جمعية مستوردي السيارات فالمغرب، أن 74 ألف و49 طوموبيل تباعت فهذ خمس شهور اللولة ديال 2021، بزيادة ديال 11,8 فالمية بالمقارنة مع نفس الفترة من 2019.

وزادت الجمعية، فإحصائياتها الشهرية، أن  عدد التسجيلات الجديدة حسب الفئات بلغ للمركبات الخاصة 65 ألف و325 وحدة، بزيادة 9,76 فالمية بالمقارنة مع ماي 2019،  وللمركبات التجارية الخفيفة 8 ألف و724 وحدة، بزيادة 29,86 فالمية.

وداسيا كتجي فالمرتبة الأولى ففئة السيارات الخاصة، ب18 ألف و882 طوموبيل، اي بحصة سوقية ديال 28,90 فالمية، بعدها رونو ب8 آلاف و814 طوموبيل، اي ب13,49 فالمية كحصة تسويقية، وهيونداي ب5 آلاف و242 طوموبيل، بحصة تسويقية ديال 8,02 فالمية، وبوجو ب4 آلاف و854 طوموبيل، ب7,43 فالمية.

وبالنسبة للطوموبيلات الفخمة، أودي باعت منها ألف و544 وحدة، اي ب2,09 فالمية، بعدها مرسيديس بألف و471 طوموبيل، أي ب1,99 فالمية، ثم بي إيم دبليو بألف و426 طوموبيل، اي ب1,93 فالمية.

وغير فهذ شهر ماي، وصل عدد التسجيلات ل15 ألف و93 طوموبيل، بزيادة 13,6 فالنية بالمقارنة مع ماي من العام 2019.

موضوعات أخرى