كود مراكش ///
علمت “كود” من السلطات المحلية بمراكش ان اللجنة المختلطة اللي فيها الداخلية والجماعة ولونسا، مشات عند عبد الإله مول الحوت المعروف بحي المسيرة بمراكش ولكن ما قدرو يديرو والو بسباب الزحام لكبير ديال الناس اللي جاية باغية تاخد السردين رخيص وفق مصادر “كود” فقرابة الف واحد كانو تماك، مما استدعى الاستعانة بالقوات العمومية.
حسب مصادر “كود” فحد الان ما كاين حتى قرار حقاش لان المعاينة ما دارتش. هاد المصادر قالت ل”كود” باللي هاد الشخص ما عندو حتى رخصة لبيع السردين، موضحة باللي والدو بالفعل حوات حقيقي وعندو محل مرخص ولكن هو ما عندوش الرخصة الاقتصادية كان صاحبنا جا صور حواتة كازا.
ناض الصداع وتم الاستماع ليه وطلقوه دابا الاتجاه غادي يسدو ليه ماشي على اللي كيقول، وفق مصادر “كود” ولكن حقاش هو بلسانو جا عند السلطات وقال ليهم نعطي الحوت حتى فابور. المهم عندي نربح من عدد المشاهدات فتيك توك.
