وكالات//

تعرض النجم الميريكاني المعروف فين ديزل لانتقادات كبيرة على الإنترنت بعدما بان بحال ايلا كيسخر من تتويج فيلمWicked بجائزة الإنجاز السينمائي وشباك التذاكر في حفل توزيع جوائز “غولدن غلوب” لعام 2025.

وهو كيقدم الجائزة لفريق الفيلم على خشبة المسرح، بين فين ديزل، 57 عام، واحد رد الفعل نوضات قربالة، بعدما تنهد وضحك ضحكة صفرة قبل ما يعلن على اسم الفيلم لي ربح.

وهاد التصرف خلا بزاف ديال المشاهدين يوصفوه بأنه “ماشي مهني” وقالو انه بين الاستهزاء ديالو بالفيلم لي ربح.

وهاجمو بزاف ديال الناس فان ديزل على السوشيال ميديا وقالو ان “ردة الفعل ديالو مكنتش محترفة نهائيا”، وخلا بزاف خرين يهاجموه ويهينو المسيرة ديالو وقالو:” شنو كتسناو من واحد المسيرة ديالو كلها كانت غير أفلام الاكشن”.