كود سبور//

أكد زفين فاندنبروك مدرب الوداد الرياضي أنه باغي يلعب ضد الأهلي المصري وكينتظر غير إمتى يوصل روتور فينال عصبة أبطال إفريقيا، وأن الحمرا قريبة من التتويج باللقب والنجوم فالتوني كيموتيفيوه وكيخليوه متحمس باش يربح العصبة.

وقال زفين فاندنبروك مدرب الوداد الرياضي فحوار مع الموقع ديال الاتحاد الإفريقي: “باغي نلعب ضد الأهلي راه فينال كبير والماتشات ديالنا معهم كثيرة، وراه ربحناهم فجوج فينالات، وهذا الشي غينفعنا على المستوى الذهني وهم غيقلبو على الانتقام منا، الفريقين عندهم جمهور فكل بلاصة فالعالم، وهذا الشي كيشجعك”.

وأكد مدرب الحمرا: “النجوم فتوني الوداد كيحمسوك وكيخليوك تحس بلي راك قريب من اللقب، وهذا الشي راه كيموتيفيني حيث ولينا مقرين نربحو الكاس”.