كود سبور//

مشات لجنة من الاتحاد الدولي لكرة القدم لإسبانيا باش تزور شي تيرانات داخلين ضمن ملف ترشح المغرب وإسبانيا والبرتغالي لاحتضان مونديال 2030، وهذا الشي بعدما زارت  تيرانات فالبرتغالي في انتظار تجي للمغرب.

وزارت لجنة الفيفا 2 تيرانات فمنطقة الباسك اللي عندها حكم داتي فالصبليون، والمحطة الأولى لها كانت ملعب سان ماميس فبلباو، وهو التيران اللي تلعب فيه نهائي دوري أبطال أوروبا للسيدات، ومن بعد منها مشات اللجنة لتيران أنويتا، اللي كان خضع لمجموعة من الإصلاحات.

ومن المنتظر تدير لجنة الاتحاد الدولي لكرة القدم خلال الايام المقبلة زيارة للمغرب، باش تشوف التيرانات ومواقع الملاعب والمرافق اللي داخلة ضمن الملف الثلاثي المغربي الاسباني البرتغالي  لاحتضان مونديال 2030.