وكالات//

علنات وزارة القوات المسلحة الفرانساوية، الثلاثاء، على الموت ديال فاليري أندريه، الطبيبة العسكرية الرائدة وأول مراة في تاريخ فرنسا وصلات للرتبة ديال جنرال والعمر ديالها تقريبا 102 عام.

وكانو كيوصفو هاد أندريه أنها “سيدة عظيمة للغاية”، على حساب ما كتبات أوليفيا بينيشو، مندوبة الإعلام والتواصل الدفاعي.

تزادت فاليري أندريه في 21 أبريل 1922، وكانت عندها بطاقة شرفية برقم 001، عطاتها ليها قيادة القوات الجوية والفضائية الفرنسية عام 2010.

بخصوص المسيرة المهنية دال اندري، فهي بدات في عام 1948، فين خدات الشهادة ديالها كمظلية، وولات طبيبة عسكرية وقائدة هيليكوبتر واعرة.

وعلى حساب ماقالت الصحافة الفرانساوية فهاد السيدة شاركات في حرب الهند الصينية والجزائر، ولعبت دور كبير في إجلاء المقاتلين الجرحى والنقل ديالهم للسبيطارات وهي كتخدم المهارات ديالها في الطيرانت.