كود – وكالات //
قالت وزارة الدفاع الكويتية، فصباح اليوم الاثنين، بلّي عدد من الطائرات الحربية الأمريكية، طاحت عندهم، ولكن الطيارين ديالها كاملين بخير وفلتو بلا إصابات خطيرة مورا ما نقزو، وقالو باللي كاين تنسيق مع القوات الأمريكية باش يتعرفو على أسباب الحادث، وكايتاخدو إجراءات تقنية مشتركة.
https://x.com/i/status/2028332214401024379
زاد البيان قال بلي الجهات المختصة تحركات مباشرة وبدات عمليات البحث والإنقاذ وتعتقو الطواقم ومشاو للسبيطار باش يديرو فحوصات على حالتهم الصحية.
وقبل هاد البلاغ، كانو شي ناشطين فمواقع التواصل الاجتماعي لاحو فيديوهات كيبان فيها اللحظة لي طاحت فيها طيارة حربية فالكويت، والعافية شاعلة فيها.
فنفس السياق، من بعدما ما بدا حزب الله بلبنان هجومو على إسرائيل لبارح انتقاما لروح خامينائي كيف ما قال، علنات وزارة الصحة اللبنانية في بيان لها صباح الاثنين أن “ضربات إسرائيلية” على الضواحي الجنوبية لبيروت، فين كاين حزب الله، سالات بموت 31 مواطناً و14 آخرين تجرحو”.
موضوعات أخرى
ايران قتلات مواطن فابو ظبي. ضربات للعاصمتين الاماراتية والقطرية
ترامب: إسرائيل ماغاديش تستخدم أبدا السلاح نووي ضد إيران
