كود مراكش//

من 23 حتى 26 أكتوبر 2025، غادي تحتضن مدينة مراكش الدورة السابعة من أيام الفولكلور، اللي كيتعتبر أكبر مهرجان للموسيقى والرقص والتراث فإفريقيا والعالم العربي.

هاد التظاهرة الدولية ولات موعد ثقافي كبير كيجمع بين الأصالة والإبداع، وكيعرف مشاركة فرق فنية من مختلف القارات. العروض غادي تكون موزعة ما بين قصر الباهية التاريخي وفضاء M Avenue العصري، فين غادي يعيش الزوار تجربة فنية متنوعة كتجمع بين التراث المحلي والعالمي.

المدينة الحمرا غادي تعيش أربع أيام من الاحتفال والإيقاعات، بمشاركة فرق من إفريقيا، أوروبا، آسيا، أمريكا اللاتينية والعالم العربي. كل فرقة غادي تقدم رقصات وأهازيج كتعبّر على ثقافتها وتاريخها، فحين غادي تحتضن ساحة جامع الفناء ورشات فنية وثقافية مفتوحة للجمهور، من تأطير فنانين وحرفيين معروفين.

المهرجان كيشكل مناسبة باش يتعرف العالم على مراكش كمدينة ديال الفنون والتعايش، وكيروج لصورة المغرب كبلاد منفتحة على الثقافات. وخلال هاد الأيام، كاتتحول مراكش إلى مسرح كبير ينبض بالحياة، الألوان والأنغام، فاحتفال جماعي كيجسد روح السلام والتنوع اللي كيميز المغرب.