كود هند لكلاوي ///

في خطاب البارح بمناسبة عيد العرش، أعلن رئيس الدولة الملك محمد السادس أن المغرب دخل رسمياً نادي الدول ذات التنمية البشرية العالية حسب تصنيف برنامج الأمم المتحدة الإنمائي.

ماشي مجرد رقم، بل اعتراف أممي بالتحول الكبير اللي عرفاتو البلاد فسنوات قليلة.

اللي كيعرف السياق السياسي، كيعرف أن هاد القفزة ما جاتش من فراغ. بعد سنوات من البلوكاج والتردد والانتظارية اللي وسمات الحكومات السابقة، خاصة ففترة حزب لخوانجية، دخلات حكومة أخنوش بثقل سياسي وبرنامج طموح، وبدات خدامة على الأرض: تعميم التغطية الصحية، دعم مباشر، برامج للتشغيل بحال “فرصة” و”أوراش”، وإصلاحات فالصحة والتعليم.

الفرق اليوم كيبان: حكومة كتخدم وكتنجز، مقابل حكومة كانت كتعتذر وكتبرر. ما بقا لا شماعة الأزمة العالمية ولا شماعة “ما عنديش”. كاين فعل، كاين نتائج، وكاين مؤشرات دولية كتأكد أن البلاد غادا فالاتجاه الصحيح.

صعود المغرب فمؤشر التنمية البشرية ماشي غير تتويج لمجهودات الدولة، بل صفعة سياسية للي كانو كيراهنو على الفشل، ورسالة بأن زمن الشعبوية سالى، وجا وقت الحكامة والفعالية.

المغرب اليوم دخل مرحلة جديدة… واللي ما عجبوش، يشوف الأرقام!