كود -وكالات//
شاكيرا رجعات لمدريد بحفل كبير جمع الآلاف من معجبيها، بعدما كانت آخر مرة التقات فيها بالجمهور الإسباني فجولتها «إل دورادو» عام 2017.
قبل ما يبدا الحفل، كانت الأجواء سخونة فشوارع مدريد وحوالي الملعب، فين تجمعو مئات المعجبين لابسين تيشورتات المنتخب الكولومبي، وإكسسوارات مستوحاة من الستايل ديال أغنية «Hips Don’t Lie». وحتى المترو عرف حركة كبيرة ديال الجمهور اللي كان غادي للملعب.
https://x.com/shakiralmynlWT/status/2101067520400871601
شاكيرا طلعات للمسرح مع الفرقة ديالها، وبمشاركة وجوه معروفة، من بينها شانيل، المشاركة السابقة فمسابقة يوروفيجن، وأغوني. وبدا العرض بأغنية «La Fuerte»، من ألبومها الأخير، فوسط عرض بصري وموسيقي جمع بين البوب والإلكترونيك.
ومن مدريد، رجعات شاكيرا للجذور الكولومبية ديالها مع «La Bicicleta» و«La Tortura» و«Loca»، اللي رجعو الجمهور يرقص ويتفاعل. ومن بعد جات واحدة من أشهر أغانيها «Hips Don’t Lie»، اللي خلات الآلاف يقلدو الحركات المعروفة ديالها.
المغنية الكولومبية حتى هي ما نساش الجذور العربية ديالها، وقدمت أغنية وسط كوريغرافيا مأنسبيرييا من الرقص الشرقي.
وحسب تقديرات نقلاتها وكالة الأنباء الإسبانية EFE، الإقامة ديال شاكيرا فمدريد متوقع تجمع 600 ألف شخص، وتخلق تأثير اقتصادي ما بين 150 و200 مليون يورو فالعاصمة الإسبانية.
