گود سبور//

فاقو لاعبين المنتخب الوطني المغربي لأقل من 17 عام، هما ومدربهم نبيل باها، وقدرو يحققو رباح مهم وكبير على منتخب كاليدونيا اليوم الأحد ضمن الجولة 3 من دور مجموعات كاس العالم لأقل من 17 عام، المقامة حاليا بقطر وهذا الشي يقدر يخليهم يتأهلو واخا خسرو الجوج ماتشات الأولين.

ونجح المنتخب الوطني المغربي لأقل من 17 عام، وربح منتخب كاليدونيا بنتيجة 16 لزيرو، وكانوا يقدرو يخرجو رابحين بنتيجة كبر، حيث زگلو صوبا ديالو البيوتا أمام خصم ضعيف وما عندوش نفس الإمكانيات اللي عندهم، ومن جهة أخرى بين هذا الرباح ان خسارة الأشبال أمام الجابون بجوج لزيرو وامام البرتغال بـ6 لزيرو، كانت بسبب الضغط النفسي اللي عاشوه اللاعبين وما قدروش يخرجو منو.

دابا هذه النتيجة خلات المنتخب المغربي ياخد او 3 نقاط وعندو نسبة عامة مهمة وهي +8 باش ينافس على التأهل إلى ثمن النهائي كأحسن ثالثة، بعدما احتل المركز الثالث فـ الگروب الثاني وخاصو يتسنى گاع لگروبات يساليو باش يعرف النتائج وواش تأهل.