كود سبور//

طلبت العداءة المغربية فاطمة الزهراء گردادي المسامحة من المغاربة حيث ما قدراتش تهديهم ميدالية برونزية فأولمبياد باريس2024، وأكدت أن ظروف الاستعدادات كانت صعيبة.

وبعدما دخلت فالمركز 11 فسباق ماراثون أولمبياد باريس، بوسطات فاطمة الزهراء ميساج للمغاربة على فيسبوك قالت فيه: “سمحوا ليا. كنت بغيت نقدم لبلادي – ميدالية لكن فوق طاقتك لا تلام مغديش نبرر ولكن الله لكيعلم اشنوا وقع ليا قبل المراطون الاصابة والمرض وأمور اخرى صعبة في اخر اسبوع من الاستعداد الناس لشجعوني وكنت كنتمنا و نحقق ميدالية سمحوا ليا بزاف”.

وفأنستغرام تفاعلت فاطمة الزهراء مع رسائل التشجيع اللي جاتها، وبوسطات سطوريات كتأكدت انها مشات لأولمبياد باريس بلا مدرب.