الرئيسية > الزين والحداكة > هاديا غالب الفاشيونيستا المصرية حضرات عرس مغربي في مراكش وعجباتها تقاليدنا – صور
16/06/2019 18:00 الزين والحداكة

هاديا غالب الفاشيونيستا المصرية حضرات عرس مغربي في مراكش وعجباتها تقاليدنا – صور

هاديا غالب الفاشيونيستا المصرية حضرات عرس مغربي في مراكش وعجباتها تقاليدنا – صور

نجوى المالحي -كود//

هاديا غالب الفاشيونيستا المصرية موجودة في المغرب، وتحديدا في مراكش وجات خصيصا باش تحضر عرس صاحبتها مغربية وهادشي خلاها تحماق على التقاليد ديالنا والأجواء لي كيدوز فيها العرس.

المصرية بغات دير في عرسها العمارية وتلبس اللبسة الفاسية وتكون دقة المراكشية والنكَافات لي كيصليو صلاة على النبي، وهاد التفاصيل كاملة شاركاتها مع المتتبعين ديالها لي كثر من مليون ونص على الانستكَرام.

ومكرهاتش هاديا تلبس القفطان المغربي لكن في الاخير لبسات كسوة خفيفة لي جات مع الجو الحار لي في مدينة سبعاتو رجال حاليا، وماخلات هاديا فين مشات، من حدائق ماجوريل للسبا فروايال مانصور مرورا بدار الصداقة.

وحطات المصرية بزاف ديال لي ستوري في الكونت ديالها ودوات على القفطان المغربي وعلى جمال مراكش وجمال العرس. المهم تزعطات مزيان.

موضوعات أخرى