وكالات //

فاجعة أخرى بسباب لعبة “ببجي” (PUBG). مراهق في باكستان قتل 4 أشخاص من عائلتو بالقرطاس فالوقت اللي كان كيلعب “ببجي”، اللي مبلي بيها بزاف، وكان كيسحاب أنه غادي يرجعو يحياو بحال اللي كيوقع فلعبة “ببجي” العنيفة.

وقال المحقق فبوليس مدينة “لاهور”، عمران كيشاور، بللي مرتكب الجريمة، علي زين (18 عاما)، كان كيعيش فعزلة تامة وسط الشومبر ديالو وكان مدمن على “ببجي”.

البوليس فباكستان طلبو من المسؤولين باش يحيدو هاد اللعبة و يمنعوها بمرة، لأن العواقب ديالها خايبة بزاف وتسببات فكوارث كثيرة.

الولد قتل مو، وجوج خواتاتو، وخوه.