الرئيسية > آش واقع > فاجعة معمل طنجة. مهني النسيج الدفوف لـ”كود”: هاد الوحدة الصناعية قانونية وماشي سرية.. وهذشي وقع بسبب ضعف البنية التحتية والوزارة اللي كتحمل المسؤولية
10/02/2021 12:30 آش واقع

فاجعة معمل طنجة. مهني النسيج الدفوف لـ”كود”: هاد الوحدة الصناعية قانونية وماشي سرية.. وهذشي وقع بسبب ضعف البنية التحتية والوزارة اللي كتحمل المسؤولية

فاجعة معمل طنجة. مهني النسيج الدفوف لـ”كود”: هاد الوحدة الصناعية قانونية وماشي سرية.. وهذشي وقع بسبب ضعف البنية التحتية والوزارة اللي كتحمل المسؤولية

عفراء علوي محمدي – كود//

كشف عادل الدفوف، مدير شركة للخياطة السريعة بمدينة طنجة، والعضو فالجمعية المغربية لقطاع النسيج والألبسة، أن الوحدة الصناعية اللي ماتو فيها 28 عامل بسبب تسرب الأمطار ليها، قانونية وبوراقها.

وتساءل الدفوف، فتصريح خص بيه موقع “كود”، كيفاش ممكن تكون الوحدة الصناعية سرية، وهي كتخدم المئات ديال الناس، اللي كيدخلو ويخرجو منها يوميا، “بالعكس، الوحدة مرخصة وكتوفر على جميع الوثائق القانونية ديالها، وكتوفر على رقم فالسجل التجاري، وعندها “لاسينيسيس” ومديكلاريا بالناس، وكتخلص الضرائب اللي عليها”.

وأكد أن المشكل اللي وقع كتحملو الوزارة الوصية اللي ماقامتش بالدور ديالها كيف قال، بحيث الوحدة جاية فلاكاف، والبنية التحتية ماسيبورطاتش الما دالشتا اللي تجمع، و”انا بيدي واجهت هذ المشكل ديال الفيضانات سنة 2017 فعهد وزير الداخلية محمد حصاد، وشركتنا كاينة فالمنطقة الصناعية ومعروفة وكنخدمو مع مراكز عالمية، وكانو تدخلو السلطات وتصلح المشكل”، حسب هضرتو.

وحول مدى قانونية هذ الوحدة الصناعية الموجودة فحي سكني، كيقول الدفوف: “مجموعة من المعامل كاينة فأحياء سكنية، وهذا كيدخل فإطار معامل القرب، بحيث كيمكن تكون قريبة من اللي كيشتغلو فيها وستهل ليهم مامورية التنقل ليها، إلى بغاو يديو ولادهم للمدرسة او يقضيو شي غرض…”، كيف قال.

وبخصوص واش ظروف الصحة والسلامة كانت متوفرة، كيقول الدفوف: “هذا شغل الوزارة والمراقبين، ويكون محضر ويشوفو واش كاينين منافذ الإغاثة، واش كاينة تهوية وإنارة، وواش ظروف العمل سليمة وآمنة…”

موضوعات أخرى

01/03/2021 15:00

تكفير “كود” وصحافييها من طرف “مول الفوقية”. رفيقي لـ”كود”: هذشي اللي وقع خطير وخاص قانون كيجرم التكفير لما فيه من عنف وخطر على سلامة الأفراد.. والتكفير ممكن يأدي لتجييش وتناسل الخلايا الإرهابية

01/03/2021 14:34

سكوب. وزلزال العام هاذا. الكيف بوق البي جي دي. بنكيران: ايلى صوت عليه برلمانيو الحزب غادي ننساحب من العدالة والتنمية نهائيا

01/03/2021 14:30

تحليل. عزلة “البي جي دي” بين “الإرادة الكبرى” للأحزاب لتمرير القاسم الانتخابي على أساس المسجلين و”التهديد” بالعصيان فالبرلمان

01/03/2021 14:20

مناهضة التعذيب والاختفاء القسري والتمييز.. عبد النباوي دار برنامج لتعزيز القدرات ديال قضاة النيابة العامة ف مجال حقوق الإنسان

01/03/2021 14:00

صعيب على واحد فحال مول الفوقية لي مدوز الطفولة ديالو فدار مافيهاش التلفزة وسط عائلة سلفية كاتعتابر التصاور حرام ! اللغة الوحيدة لي كايتقنها هي العربية ! و نهار حن عليه الله و شد الطيارة مشا من الدرارگة ديريكت للسعودية انه يفهم اصلا شنو هوا الاختلاف و الحرية و يعرف بلي المغاربة ماشي مشروط عليهم كلهم يقولو آمين لنفس الافكار !