الرئيسية > آش واقع > فاجعة فتاونات.. جوج أطفال وخالهوم غراقو فسد إدريس الأول وماتو
08/07/2020 17:40 آش واقع

فاجعة فتاونات.. جوج أطفال وخالهوم غراقو فسد إدريس الأول وماتو

فاجعة فتاونات.. جوج أطفال وخالهوم غراقو فسد إدريس الأول وماتو

عمـر المزيـن – كود//

فاجعة كبيرة اهتزت على وقعها دائرة تيسة بإقليم تاونات، زوال اليوم الأربعاء، بعدما ماتو غرقا جوج أطفال تتوارح أعمارهم ما بين 5 سنوات و7 سنوات، بالإضافة إلى خالهما اللّي حتى هو مات غرقا.

وحسب مصادر محلية، لـ”كود”، فإن الضحايا ماتو بسد “إدريس الأول” بعدما هربو من الحرارة التي تمر منها العاصمة العلمية فاس، مشيرة إلى أن والد الطفلين هو اللّي جاب ولادو لهاد السد، وهو موقع ليه والو حقاش مكانش كيعوم معاهوم.

التحرك السريع لمصالح الوقاية المدنية والسلطات المحلية مكّن من انتشال جثث الضحايا، وذلك بدعم كبير من عدد من المواطنين. الجدارمية بدورهم جاو لمكان الحادث على الفور وفتحو تحقيق في الحادث بتعليمات من النيابة العامة المختصة.

السلطات المحلية وعلى رأسها العامل ديال تاونات خاص تشوف كيفاش تسد هاد السدود حقاش مع هاد الحرارة راه مزال نقدرو نسمعو هاد الكوارث.

موضوعات أخرى

14/08/2020 13:30

العلاقات الإماراتية الإسرائيلية الجديدة.. بنعبد الله لـ”كود”: هاد الخطوة مغادي تجيب حتى شي إضافة إيجابية لإقرار الحقوق المشروعة للشعب الفلسطيني