الرئيسية > آش واقع > فاجعة طنجة غادي تدير ازمة اجتماعية جديدة. مصانع كثيرة تسدو ووقفو الخدمة الى أجل غير مسمى
11/02/2021 15:30 آش واقع

فاجعة طنجة غادي تدير ازمة اجتماعية جديدة. مصانع كثيرة تسدو ووقفو الخدمة الى أجل غير مسمى

فاجعة طنجة غادي تدير ازمة اجتماعية جديدة. مصانع  كثيرة تسدو ووقفو الخدمة الى أجل غير مسمى

كريم الشركي-كود///

اشتغال العشرات أو حتى المئات من المصانع فوضعية غير صحية وغير سليمة، خلق دابا واحد الحالة من الخوف عند أرباب هاد المصانع، خصوصا ان السلطات ماغارتحمهومش فهاد الأونة واللي شداتو غاتفرعو، رغم انها عارفاهوم كاملين.

هاد التخوف من طرف أرباب هاد المصانع خلا العديدين منهم يسدو مصانعهم، ويوقفو العمال، هاد العمال أصلا لي كيتخلصوا جوج ريال، ويالاه كتكفاهم مع الزمان، يلا تقطعات عليهم دابا غايبقاو يموتو بالجوع.

فالحقيقة هاد المصانع كان خاصها حل هادي زمان ماشي حتى وقعات الكارثة، وفالاصل الحل ماشي هو تنوض السلطة تحاربها، حقاش هي كتخدم عشرات الالاف من العمال، راه يلا وقفو على الخدمة هاد العمال ماعندهوم منين يجيبو طرف دالخبز.

الدولة عليها توجد بسرعة آراضي لهاد الشركات، وتبيعها ليهم بثمن تفضيلي، وتسهل عليهم الحصول على القروض، باش يديرو معامل مزيانة، ويخدمو الناس فإطار كيحتارم حقوقهم، وديك الساعات الباطرون لي مابغاش يدير هادشي يستاهل الحبس والغرامات الثقيلة، أما سدان المعامل لي واقع دابا، راه غاينتج أزمة اجتماعية جديدة، ومدن الشمال باراكا عليها الازمة الاقتصادية الكبيرة لي كتعيشها.

موضوعات أخرى

24/02/2021 21:30

السلالة البريطانية الجديدة مامعاها لعب. الطبيب حمضي كيطلب المغاربة باش يواجهوها بالوقاية والتباعد.. كتقتل كثر من الفيروس العادي ب35 فالمية وممكن تبلوكي المنظومة الصحية فأسابيع قليلة

24/02/2021 20:30

جايحة كورونا زادت قلبات حال المغاربة. المورال طايح وكلشي مبرزط من صحاب القهاوي والريسطوارت وغيرهم.. وعبد الفضل لـ”كَود”: حتى لدابا معندناش رؤية على رمضان وخاص الحكومة تفكر فهادشي