الرئيسية > كود-تيفي > فاجأو ضيوفهم.. كوبل كاسكادور فميريكان شعلو العافية فريوسهم نهار العرس! – فيديو
13/05/2022 04:00 كود-تيفي

فاجأو ضيوفهم.. كوبل كاسكادور فميريكان شعلو العافية فريوسهم نهار العرس! – فيديو

فاجأو ضيوفهم.. كوبل كاسكادور فميريكان شعلو العافية فريوسهم نهار العرس! – فيديو

وكالات //

عرسان ميريكانيين كملو حفلة عرسهم بمشهد درامي فيه مخاطرة بعدما جاتهم فكرة مجنونة باش يشعلو العافية فريوسهم غير باش يبهرو الناس المعروضين يديرو شي حاجة استثنائية وأوريجينال!

العرسان، “Gabe Jessop” و “Ambyr Bambyr” كيخدمو أصلا كاسكادور فهوليود، وموالفين بتمثيل بحال هاد المشاهد الخطيرة، وقررو أنهم يدخلو خدمتهم فالعرس ويستعملو مواد مانعة للحرق باش يمثلو هاد التجربة.

وبعدما تمشاو شويا فالباساج قدام ضيوفهم اللي تفاعلو مع المشهد، غيجيو الناس اللي مكلفين مسبقا وغادي يطفيو العافية اللي شعلات فحوايج الكوبل من الظهر.

مصور حفل الزفاف نشر فيديو على موقع “تيك توك” وجاب أكثر من 14 مليون مشاهدة، وملايين الإعجابات وآلاف التعليقات. وغادي يزيد ينتاشر  أيضا فمواقع التواصل الاجتماعي الأخرى.

المصور قال للناس عنداكم تمشيو تقلدوهم راه هادي هي خدمتهم ومدربين عليها، وعندهم المواد الخاصة بيها واللي كتحميهم من العافية.

موضوعات أخرى

19/05/2022 22:20

بحضور خبراء دوليين.. مؤتمر دولي فجامعة “الأخوين” على التكامل بين العلوم الاجتماعية وعلوم الصحة فالشرق الأوسط وإفريقيا