وكالات//

حقق المسلسل الكوري الجديد “When Life Gives You Tangerines” إنجاز كبير، حيث تصدّر لائحة التقييمات ديال المسلسلات الكورية فموقع IMDb، وفات حتى المسلسل المشهور “لعبة الحبار”.

وحسب المعطيات ديال الموقع، المسلسل حصل على تقييم 9.3 من 10، وهو أعلى تقييم تسجل حتى لدابا ففئة “الكيدراما”، وفات حتى “سكوايد غايم” لي جاب تقييم 8.0 فنفس الموقع.

المسلسل فيه مجموعة من النجوم الكوريين المعروفين، منهم المغنية والممثلة “آي يو” والنجم “بارك بو غوم”، وكاينين معهم “مون سو ري” و”بارك هاي جون”، تحت إشراف المخرج “كيم وون سوك” وكاتب السيناريو هو “ليم سانغ تشون”.

القصّة ديال المسلسل كتدور فجزيرة “جيجو” الهادئة، فين كتبدأ علاقة قوية بين شابة كلها حيوية وشاب مخلص وصادق.

ومع مرور الوقت، كتتحول العلاقة ديالهم لقصة حب كتحارب الزمن، وكتواجه بزاف ديال التحديات والصراعات لي كتخليها أعمق وأكثر إنسانية.