الرئيسية > تبركيك > فإندونيسيا الناس بداو يتبوقو ب”أولويز”
09/01/2019 01:00 تبركيك

فإندونيسيا الناس بداو يتبوقو ب”أولويز”

فإندونيسيا الناس بداو يتبوقو ب”أولويز”

وكالات- كود//

بعدما جربو شحال من مخدر وأغلبها غالية وكيلزمها فلوس باش يوصلو للنشوة ، كتاشفو مراهقين فإندونيسيا وسيلة غريبة باش يتبوقو ، وهي بإستعمال الفوط الصحية ديال النساء المعروفة عندنا بأولويز .

بحيت ذكر موقع “جاكرتا بوست” أن المراهقين وخاصة أطفال الشوارع فإندونيسيا ، ولاو كيغليو الما فوق العافية ويحطو وسطو ألويز بحال خنيشات نيبتون ،  وكيشربوه بعدما يبرد وبزربة كيتخدرو أويسكرو، وقال الموقع أنهم مكيتسوقوش للفوطات واش مستعملين أو لا ، وكيخليوها كتبقى تغلي فالما السخون حتى كيذوبو دوك المواد الكيميائية وذاك العجين لي فيه وكيشربوه واخا مقزز .

وحسب صحيفة “ديلي ميل”، فإن وزارة الصحة فإندونيسيا أكدات أنها غادي تباشر  تحقيقاتها فهاذ الموضوع ، وغادي تحاول تحلل محتويات هاذ الفوط الصحية باش تعرف علاش كتخدرهم محتوياتها .

موضوعات أخرى

23/04/2019 13:30

مصايب “الرقية الشرعية” غادة وكتزاد وكطيح المزيد من الأرواح. طفلة عندها ست سنين قتلها عمها ملي كان كيخضعها لجلسة لطرد الجن فمولاي بوسلهام