كود كازا ///
علمت “كود” ان النيابة العامة فكازا قررات توضع الناشط الحقوقي فؤاد عبد المومني. حسب المعطيات الاولى اللي توصلات ليها “كود”٬ فهاد الشي جا بعد تصريحات دارها قال فيها باللي المغرب كيتواطأ مع شبكات الهجرة السرية وكيغرق اوربا بالمهاجرين وباللي بلادنا دولة هزيلة بالاضافة الى كلامو علي ان المغرب كيتجسس ببيگاسوس.
مصادر قضائية قالت ل”كود” باللي هادا اجراء عادي قبل المحاكمة وباللي اللي تطلب من عبد المومني هو يقدم اش عندو علي هاد الاتهامات. واضاف باللي ممكن تكون عندو معطيات ومزيان يقدمها للعدالة. يعطي ما يفيد كلامو. دابا عندو عناصر تؤسس٬ يضيف مصدر “كود”٬ لجرائم القذف والاهانة والتبليغ عن جريمة وهمية يعلم بعدم حدوثها
المشكلة هي فالحراسة النظرية. من حق القضاء يفتح تحقيق ويسول٬ ولكن علاش الحراسة النظرية. يخليوه فالتحقيق ويمشي لدارو ويرجع يستامعو ليه وحتى ايلى تقررات شي متابعة بعد انتهاء التحقيق تكون فحالة سراح.
حشومة فاختتام زيارة تاريخية لماكرون للمغرب يخرج ملف بحال هادا. راه فالعمق كيهم الحريات خاصة حرية التعبير. ممكن يخطأ ويسيء اختيار العبارة ولكن كيبقى داخل الحرية ولا خطأ يبقى حر ويتحاكم
