گود سبور//

عبر الأسطورة الفرنسية من أصول جزائرية زين الدين زيدان، على الدعم ديالو للصحافي الفرنسي كريستوف گليز اللي مشدود فالجزائر وحكمو عليه فيها بـ7 سنين بتهمة “الإشادة بالارهاب”، بعدما كان كايدير تحقيق على فرقة شبيبة القبائل الجزائري وهو الفريق اللي كاين فتيزيوزو بمنطقة القبايل الجزائرية، وطالب زيدان النظام الجزائري بالإفراج إلى الصحافي الفرنسي المعتقل باش يرجع لدارهم.

وفتصريح فأول يوم له كمدرب للمنتخب الفرنسي، جوابا على سؤال بخصوص الصحافي كريستوفر گليز، قال زين الدين زيدان: “طبعا أنا كاندعمو، وكانتمنى يرجع لدارو ووالديه وبكل وضوح”.

وكمل زيزو بات الگول ديال المنتخب الجزائري لوكا زيدان، وقال: “ما كانبغيش نهضر فالمواضيع اللي بعاد عليا، ولكن اليوم توجه ليا السؤال، غادي نجاوب وحيث أنا أب كانتمنى يرجع گليز لدارهم وعائلتو”.