كود الرباط////

قالت فاطمة الزهراء المنصوري، منسقة القيادة الجماعية لحزب الأصالة والمعاصرة، في أول تعليق لها على قرار تجميد عضوية صلاح الدين أبو الغالي من المكتب السياسي للبام، “رفضت نعلق لأن هادشي كايدخلنا فالخطاب الشعبوي وضرب فيا ونضرب فيك وحنا عشنا قبل يومين لحظة شباب فقد امل وباغي يحرك، والمغاربة كيستحقو منا كثر من هادشي”.

وأوضحت المنصوري، في جوابها على سؤال “كود”، قبل افتتاح الجامعة الصيفية لحزب الأصالة والمعاصرة، “حزبنا ماشي محكمة وميمكنش نقول صلاح ابو الغالي نصاب، هو 17 سنة معايا فالحزب وهو رجل محترم داخل صفوف الحزب وكان امين عام جهوي”. وأضافت المنصوري :”وقعو ليه مشاكل لا علاقة لها بالمال العام و وتشككت في ذمته الأخلاقية، توصلت ب4 شكايات “، مسترسلة :”الاعلام ينتقدوننا على شفافيتنا، وقبل تصدمنا من قضية مكناش عارفينها (اسكوبار الصحراء) وحنا ماشي رجال امن حنا سياسيين”.

وتابعت المنصوري “انا فقط اقترح على المكتب السياسي، والاخير هو لي كيقرر التجميد والاحالة على لجنة التحكيم”.

رواية ابو الغالي تقول العكس وكشفات تهديد المنصوري ليه. بخصوص الشكايات 4 اكد ابو الغالي ان كودار باش رفض =ابو الغالي= الاستقالة٬ عيط على خصمو اللي معاه فنزاع تجاري على الارض اللي هو بن الضو٬ وعطاه امر باش يديه. هادا ما كان