كود احمد الطيب ////
كلشي محسوب باش يتم التصفية النهائية لمرحلة بنكيران. السيد مشى للعمرة الخميس اللي فات. نهار بعد كان حوار مصطفى الرميد وزير الدولة المكلف بحقوق الانسان مع اذاعة “ام اف ام” واختار برنامج ديال واحد الداعشي التفكير لابس عصري. هنا تحدث عن نهاية مرحلة بنكيران. بعدها ب24 ساعة خرج ابن عرفة رئيس الحكومة في حوار فاشل مع “ميدي 1 تي في”. فاشل هاد المرة ماشي بسباب الصحافي بل بسباب الضيف المهزوز الضعيف. حتى هو مشى فنفس خط الرميد.
هاد الخروج الاعلامي خلى قادة الحزب تصطى. عبد العالي حامي الدين عضو الامانة العامة كذب٬ في سابقة٬ ابن عرفة. اتهمه بالتدليس والتضليل اثناء حديثه عن دور الامانة العامة في دخول الاتحاد الاشتراكي. قال ليه باللي الامانة العامة ما فراسها والو وانت جيتي وانت موافق. حصلو كذاب وصافي.
امنة ماء العينين ثم خالد رحموني دافعو على “القائد الزعيم” باش شافو بغاو يتخلصو منو وهو خارج المغرب. بجوج قالو ما معناه “بنكيران زعيمنا”